मधेशका समस्या सुल्झाएरै चुनाव गराउने प्रधानमन्त्रीको दृढता

फेब्रुअरी, १४ काठमाडौं

हाल नेपालमा सरकारको टाउको दुखाइको विषय भएको तराइ समस्या समाधान गराएर नै आगामी संविधानसभाको निर्वाचन तोकिएको समयमा सम्पन्न गर्ने दृढता प्रधानमन्त्री गिरिजाप्रसाद कोइरालाले व्यक्त गर्नु भएको छ ।

नेपालको भ्रमणमा रहेको भारतीय काँग्रेसको टोलीसँगको भेट पश्चात् बिहीबार बिहान हँसिलो अनुहारका साथ कोइरालाले सञ्चारकर्मीहरुसँग त्यस्तो कुरा बताउनु भएको हो ।

तराइमा बढिरहेको समस्याका बारेमा सञ्चारकर्मीहरुले राखेका जिज्ञासाको प्रतिउत्तरमा प्रधानमन्त्रीले तपाइँहरु ढुक्क हुनुहोस् कि तराइ लगायत सबै समस्याहरु समाधान गरेर म चुनाव गराउँछु ।