चन्द्रनिगाहपुरमा बर्डफ्लु भित्रिएको आशंका
चन्द्रनिगाहपुर, २२ माघ
केही दिनयता रौतहटको चन्द्रनिगाहपुर-३ र ४ मा कुखुराका चल्ला र चरा मर्न थालेपछि बर्डफ्लु देखिएको आशंकामा स्थानीय बासिन्दा त्रसित भएका छन् । भारतको पश्चिम बंगालमा देखिएको पक्षीमा लाग्ने बर्डफ्लु गाउ“मा पनि फैलिएको आशंकामा त्रसित गाउ“लेले परीक्षणको अनुरोध गरेका छन् । गौडाटारका किसान उमेश तिमल्सिनाको घरका कुखुराका चल्ला मरेपछि सो रोगको आशंका गरिएको हो ।
तिमल्सिनाले डेढ महिना पहिला ल्याएका ब्रोइलर कुखुराका एक सय पचास चल्ला गत पा“च दिनभित्र मरेका थिए । उनको ब्रोइलर कुखुरा मर्न थालेलगत्तै लोकल कुखुरासमेत एक डेड घन्टा झोक्राएर मर्न थालेको स्थानीय बासिन्दा बुद्धि हुमागार्इंले बताए । तीन दिनयता दैनिक दसका दरले लोकल कुखुरा मरेको हुमागाईंको दाबी छ । त्यसपछि उडेका चरासमेत मर्न थालेकोले गाउ“लेले बर्डफ्लुको आशंका गर्दै पक्षीजन्य मासुसमेत खान छोडेका छन् ।
पा“च दिनयता गाछीटोलको बा“सको झाङमा बास बसेका चरा बिहान हर्ेदा मरेको अवस्थामा भेटिएको पनि स्थानीय बासिन्दाले जनाएका छन् । बा“सको झाङमा समेत चरा मरेकाले गाउ“ले चिन्तित भएको उल्लेख गर्दै गाछी टोलका श्याम न्यौपानेले मरेका कुखुरा चरा गाउ“भन्दा केही पर जंगलमा लगेर फालिएको जानकारी दिए ।
कुखुरा र चरा मरेको सम्बन्धमा अनुसन्धान गर्न स्थानीय सञ्जय कार्कीले सम्बन्धित निकायस“ग अनुरोध गरेका छन् । जिल्ला पशु कार्यालय रौतहटले भने पक्षी मरेको जानकारी कतैबाट नआएको जनाएको छ ।
सीमावर्ती क्ष्ँेत्रमा पर्ने रौतहटका विभिन्न गाउ“मा बर्डफ्लु नियन्त्रणको प्रयास नगरिएकाले रोग देखा परेको हुनसक्ने कार्कीले आशंका गरे । स्थानीय बासिन्दाका अनुसार भारतस“ग सीमा जोडिएका नाकाबाट कुखुराका अन्डा र कुखुरा नेपाल भित्रने क्रम रोकिएको छैन ।
No comments:
Post a Comment